Shkup, 23 shkurt – Mersiha Smailoviq, e mbështetur nga Lidhja demokratike e boshnjakëve (LDB), është kandidate për presidente të Republikës së Maqedonisë së Veriut në Zgjedhjet Presidenciale 2024. Ajo vjen nga sektori privat dhe është i njohur për publikun si aktiviste civile në luftën për të drejtat e njeriut.
Në konferencën për shtyp ku u promovua kandidatura e saj, ajo tha se megjithëse është hera e parë që komuniteti boshnjak ka kandidatin e tij presidencial, përkatësia e saj etnike nuk e përcakton atë në një kontekst politik dhe programi dhe angazhimet e saj do të jenë për një të ardhme më të mirë për të gjithë qytetarët në shoqërinë tonë multietnike dhe se fokusi i fushatës do të jetë tek të gjithë qytetarët e vendit.
“Në fakt, unë e kam dëshmuar aktivizmin tim dhe partia me angazhimet e saj e ka dëshmuar se përpjekjet tona do të jenë për të gjithë qytetarët e këtij vendi. Ideja ime dhe ideja e partisë është që kjo fushatë të paraqesë të gjitha problemet e rëndësishme dhe sfidat që kanë qytetarët e vendit tonë dhe të ofrojmë zgjidhje reale që do të jenë të vërteta dhe funksionale, ndërsa jo thjesht pamflete politike që do të kalojnë ditën. Qëllimi ynë gjatë fushatës është që t’i dëgjojmë qytetarët ashtu siç i kemi dëgjuar në periudhën e kaluar dhe t’u përgjigjemi pyetjeve të tyre më të thjeshta që ndikojnë në jetën e tyre. Të bëjmë jetën më të mirë për të gjithë ata dhe të ofrojmë perspektiva që do ta bëjnë jetën shumë më të thjeshtë dhe shumë më të përballueshme. Ideja ime në plan të brendshëm është të forcojmë kohezionin, ndërsa në atë të jashtëm të forcojmë marrëdhëniet e mira fqinjësore dhe marrëdhëniet me partnerët tanë strategjikë, por të udhëhiqemi ekskluzivisht nga ajo që është në interes të qytetarëve”, theksoi Smailoviq.
Nga fushata parazgjedhore pret që “të jehojë zëri i patriotizmit dhe ky të jetë mjeti kryesor në përpjekjet për të fituar vota”, por, tha, për të patriotizmi është një jetë më e mirë për çdo individ.
“Për mua patriotizmi në kuptimin më të gjerë është lufta që çdo bashkëqytetar, çdo miku im, çdo i afërmi im të jetojë më mirë se sot dhe të ndihet se i përket këtij vendi dhe se është i respektuar nga ky vend. Kjo është ndjenja e vërtetë e patriotizmit që ne të gjithë e ndiejmë në veten tonë”, tha Smailoviq dhe u bëri thirrje të gjithë qytetarëve, siç tha, “të ecim atë rrugë së bashku dhe të krijojmë një mjedis në të cilin ia vlen të jesh pjesë e këtij vendi të bukur. “.
Kryetari i Lidhjes demokratike të boshnjakëve (LDB), Munir Kolashinac, beson se partitë politike të komuniteteve më të vogla mund të jenë gjeneratorë të vërtetë të ndyshimeve shoqërore, prandaj, tha, edhe në zgjedhjet e fundit lokale LDB kishte kandidatin e vet për kryetar të Shkupit dhe qyteteve të tjera.
“Sot, në prag të zgjedhjeve të planifikuara presidenciale, ne po shkruajmë histori dhe po prezantojmë kandidatin tonë për president të vendit. Ne po shkruajmë histori sepse Mersiha është kandidati i parë për president të vendit nga komuniteti boshnjak. Ajo është e njohur për opinionin për aktivizmin e saj prej dekadash për të drejtat e njeriut dhe avancimin e të drejtave të grave. Me kandidaturën e saj për presidente, ne thjesht vazhdojmë të bëjmë atë që thonë shumica, ndërsa në të cilën, për fat të keq, edhe nuk besojnë, që është se pjesëtarët e komuniteteve pakicë, përveç që kanë të drejtën e votës, përkatësisht të zgjedhjes, kanë edhe të drejtën të zgjidhen, si të gjithë qytetarët e tjerë në këtë shoqëri të bukur multietnike tonën. Dhe kjo është bukuria dhe pasuria e jetës sonë të përbashkët”, shtoi Kolashinac.
Në një pyetje të gazetarëve është përgjigjur se presin dhe, siç tha, janë të bindur se për shtatë ditë do të mbledhin 10 mijë nënshkrimet e nevojshme për të mbështetur kandidaturën e Mersiha Smailoviqit. Afati për mbledhjen e nënshkrimeve fillon sot dhe përfundon më 8 mars.
