Portugalia ka zyrtarizuar trajnerin e ri të skuadrës kombëtare. Vendin e Fernando Santos e ka zënë Roberto Martinez, i cili mbylli një aventurë të gjatë në stolin e Belgjikës pas eliminimit në Katar 2022.
49-vjeçari spanjoll ka firmosur deri në vitin 2026 me kombëtaren luzitane. Përpara aventurës 6-vjeçare si trajneri i Belgjikës, Martinez punoi si tekniku i Evertonit, Wiganit dhe Swanseas në Angli.
“Një lider i ri, mirë se vjen Roberto Martinez”, shkroi kombëtarja e Portugalisë në Twitter. Tani pritet me interes të madh roli i Cristiano Ronaldos në projektin e ri të Kombëtares.
Pavarësisht zhgënjimit të madh në Botërorin e Katarit, 37-vjeçari deklaroi se do të vijojë të jetë pjesë e Portugalisë edhe në vitet e ardhshme.
