“La Boca” është titulli i këngës së re që Tayna e ka sjellë në bashkëpunim me L’Algerino që fillimisht ishte publikuar vetëm në versionin audio.
Gjatë të enjtes, artistët kanë vendosur që ta publikojnë edhe versionin e shoqëruar me videoklip.
Si rëndom, reperja – emri i vërtetë i të cilës është Doruntina Shala – është kujdesur që të vijë atraktive në videon muzikore.
Për anën vizuale te “La Boca” është angazhuar produksioni Sekuencë që e ka realizuar videoklipin.
Samir Djoghlal, i njohur me emrin artistik L’Algerino, është reper me origjinë algjeriane i lindur në Francë.
Tayna dhe L’Algerino kanë bashkëpunuar edhe në të kaluarën. Në janar, ata publikuan duetin “Moona” që u shndërrua në hit dhe numëron 21 milionë shikime në YouTube.
