Shkup, 7 dhjetor – Komunikacioni në Shkup sot pasdite gati tri orë ishte bllokuar me kolona të automjeteve të cilat qëndronin në një vend gati një orë.
Semaforët në disa udhëkryqe ishin ndalur, ndërsa komunikacionin e rregullonte policia e trafikut.
Qendra për Menaxhim me Kriza në Shkup njoftoi se në shumicën e rrugëve përgjatë qytetit sot pasdite është vërejtur rrëmujë më e madhe e automjeteve.
Në udhëkryqin te qendra tregtare “Mavrovasja” sot pasdite kishte aksident trafiku në të cilin janë lënduar katër persona. Në aksidentin e komunikacionit ishin të përfshirë pesë automjete, të gjitha me targa të Shkupit, konfirmuan nga MPB. Të lënduarit janë dërguar në SPQ “Klimenti i Ohrit”, por për momentin nuk dihet se sa janë të lënduar.
