Shkup, 5 janar – Tre dërgesat e para nga sektori për mallëra me prejardhje të kafshëve, nga Serbia të martën u nisën për në Maqedoninë e Veriut pa pritur në vendkalimet kufitare, me çka Serbia e shënoi fillimin e implementimit të Marrëveshjes për bashkëpunim në sigurinë veterinare dhe fitosanitare të ushqimit, të nënshkruar në Tiranë në dhjetor, si pjesë e iniciativës Ballkani i Hapur, njoftoi korrespondenti i MIA-s nga Beogradi.
Fillimin e implementimit të Marrëveshjes nga ana e Serbisë e kumtoi ministri serb i Bujqësisë, Pylltarisë dhe Ekonomisë së Ujërave, Branisllav Nedimoviq, duke shtuar se ajo për çka është arritur marrëveshje po zbatohet, ndërsa pas nënshkrimit të marrëveshjes, tanimë ka pasur dërgesa nga Maqedonia e Veriut për në Serbi.
Nedimoviq tha se Ballkani i Hapur lidhur me sektori ushqimor është vënë në funksion me kapacitet të plotë dhe se tani ekziston sistem i paralajmërimeve të hershme.
Ai shtoi se këmbimi i përgjithshëm mes Serbisë, Maqedonisë së Veriut dhe Shqipërisë në sektorin ushqimor është rreth 420 milionë dollarë dhe se beson se “me shkeljen e pengesave” për disa vite do të arrijë deri një miliardë dollarë këmbim.
