Një automjet “Audi” me targa të Shkupit, e cila transportonte nëntë mërgimtarë, sot në mëngjes ka dalë nga rruga në rrugën Valandovë-Strumicë. Sipas dëshmitarëve okularë, makina është nxjerrë nga karrotrec dhe me ndihmën e zjarrfikësve.
Ngjarja u konfirmua nga SPB Strumicë, ku saktësuan se sot në ora 06:05 në Stacionin Policor Valandovë është raportuar se në rrugën rajonale R 1401, Valandovë-Strumicë, automjeti i pasagjerëve “Audi” me targa të Shkupit, doli nga rruga dhe transportonte nëntë emigrantë nga Siria.
“Njëri nga mërgimtarët ka pësuar lëndime trupore, të konstatuara në Qendrën Mjekësore Gjevgjeli, ndërsa në vendin e ngjarjes e ka kontrolluar ekipi i Stacionit Policor – Valandovë. Emigrantët janë transferuar në Qendrën pranuese “Vinojug” Gjevgjeli, ndërsa Sektori për Punë të Brendshme Strumicë po ndërmerr masa për gjetjen e drejtuesit të veturës, i cili është larguar nga vendi i ngjarjes”, tha zëdhënësja e SPB Strumicë, Aleksandra Trajanova.
Për shkak të kryerjes së inspektimit në vend të aksidentit dhe tërheqjes së veturës, komunikacioni në këtë drejtim rrugor është ndërprerë për rreth tridhjetë minuta
