Shkup, 18 janar – Përfaqësuesit e Bashkësisë së Njësive të Vetëqeverisjes Lokale (BNJVL) sot në takim me një pjesë të ekipit ekonomik qeveritar i shfaqën sfidat nga kriza ekonomike dhe energjetike dhe kërkuan mbështetje për tejkalimin e saj më të lehtë.
Delegacionin e BNJVL e kryesoi kryetarja e Qytetit të Shkupit, Danella Arsovksa, si dhe nënkryetarët, kryetari i Vallandovës, Pero Kostadinov dhe kryetari i Çairit, Visar Ganiu. Zëvendëskryeministri Fatmir Bytyqi, ishte i shoqëruar nga ministrat e Financave, të Ekonomisë dhe Vetëqeverisjes Lokale, Fatmir Besimi, Kreshnik Bekteshi dhe Goran MIlevski.
“Zëvendëskryeministri Bytyqi dhe përfaqësuesit e Qeverisë njoftuan se për çdo zgjidhje, e cila është e rëndësishme për qytetarët udhëhiqet dialog i hapur dhe gjatë kësaj e theksuan transparencën e bashkëpunimit me njësitë e vetëqeverisjes lokale për tejkalimin e sfidave vijuese. Të gjitha temat të cilat janë të rëndësishme për qytetarët, për funksionimin normal të shoqërisë duhet të diskutohen dhe të gjenden zgjidhjet më adekuate të cilat janë në interes të përgjithshëm”, informoi shërbimi për informim i qeverisë.
Në kumtesë bëhet e ditur se sfidat me të cilat përballen qytetarët janë të përbashkëta, ndërsa Qeveria është e hapur për diskutim për gjetjen e zgjidhjeve më adekuate për tejkalimin e tyre.
Në takimin e punës në Qeveri, në delegacionin e BNJVL ishin edhe kryetarët e Tearcës dhe të Radovishit, Nuhi Neziri dhe Aco Ristov, si dhe drejtoresha ekzekutive e BNJVL, Dushica Perishiq.
