Një shqiptar, 38-vjeç, u ekzekutua me plumb në kokë, mbrëmjen e djeshme në Athinë, ngjarje e cila u cilësua si përplasje mes bandash.
Mediat fqinje raportojnë se shqiptari u qëllua për vdekje nga një person i panjohur, i cili i kishte zënë pritë, në një kafene në Rrugën Liosion 104 pranë Sheshit Attiki dhe Agios Panteleimonas.
Shqiptari, emri i të cilit nuk është bërë i ditur mori plumba në kokë dhe bark. Ai u transportua në gjendje të rëndë në Spitalin Evangelismos, por humbi jetën si pasojë e plagëve të marra.
Një dëshmitar okular, duke folur për protothema.gr, zbuloi se autori i vrasjes kishte veshur një xhaketë gri dhe kishte hipur në një makinë po ashtu gri.
Zona pas incidentit u rrethua nga forca të forta policie, ndërsa autoritetet u vunë në kërkim të provave që do të çojnë në identifikimin e autorëve dhe arrestimin e tyre.
deshmitari okular
