Portieri italiani Gianluigi Donnarumma ka pritur penallti në ndeshjen që Paris Saint-Germain po e zhvillon kundër RB Leipzig, ku pjesa e parë është mbyllur 1-1.
22-vjeçari këtë sezon ka vuajtur duke qëndruar në stol, pasi Keylor Navas është preferuar më shumë te PSG këtë sezon.
Ai u zgjodh si startues për ndeshjen në udhëtim në Ligën e Kampionëve ndaj RB Leipzig, ku është vetëm paraqitjen e tij e dytë në karrierë në këtë garë.
Andre Silva ishte ai që mori përsipër gjuajtjen e penalltisë, ndërsa goli iu mohua nga ish-bashkëlojtari i tij në Milan, Donnarumma.
Kjo ishte penalltia e parë e pritur nga Donnarumma për Paris Saint-Germain, por edhe e para në Ligën e Kampionëve.
Portieri italian ka edhe një rekord tjetër shumë të mirë, pasi ka pritur katër penallti radhazi në nivel klubesh dhe kombëtaresh.
Vetëm katër nga 10 penalltitë e fundit kanë shkuar në fund të rrjetës, kur në portë ka qenë Donnarumma.
