Kumanovë, 16 janar – Masë e përcaktuar paraburgim në kohëzgjatje prej 30 ditëve për kumanovarin 40-vjeçar, i cili është i dyshuar se e ka privuar nga jetë babain e tij 65 vjeçar, me çka ka kryer vepër penale, vrasje nga neni 123, paragrafi 2 pika 2 nga Kodi penal, kumtuan sot nga prokuroria.
Prokurori publik deri te gjykatësi në procedurë paraprake nga gjykata themelore në Kumanovë ka parashtruar propozim për përcaktimin e masës së paraburgimit për personin e dyshuar, të cilin gjykatësi e ka pranuar dhe ka marrë vendim, me të cilin ka përcaktuar masë paraburgimi në kohëzgjatje prej 30 ditëve, duke vlerësuar se privimi nga liria është i ligjshëm.
“Më 12 janar, në orët e pasditës, në rrugën ‘438’ në Kumanovë, i dyshuari ka hyrë në dhomën, ku kanë qenë prondërit e tij, ka marrë thikë të kuzhinës dhe pa u vërejtur nga nëna e tij, ka ardhur deri te krevati ku ka fjetur babi i tij dhe me thikë e ka therrë në pjesën e qafës nga ana e majtë. Si rezultat të lëndimit, i dëmtuari është përgjakur dhe ka vdekur, ndërsa i dyshuari ka shkuar në dhomën fqinje, ku ka qëndruar deri në arritjen e punonjësve policorë”, thonë nga prokuroria.
Paraprakisht, me qëllim të ndriçimit të rastit, PP ka dhënë urdhër për autopsi të të ndjerit dhe ekspertizë për të gjitha gjurmët e gjetura dhe të marra në vendin e ngjarjes
