Shkup, 12 shkurt – Dje, në periudhën nga ora 12:00 deri në orën 15:00, në bazë të prioriteteve të konfirmuara për përmirësimin e sigurisë publike, veçanërisht midis nxënësve në shkolla dhe në transportin publik, si dhe respektimin dhe zbatimin konsekuent të ligjeve, nëpunësit policorë nga Byroja për siguri publike pranë Ministrisë së Punëve të Brendshme, zhvilluan kontroll të përbashkët të koordinuar të veprimit në të gjithë territorin e shtetit, ku morën pjesë të gjithë sektorët për punë të brendshme.
Në këtë mënyrë, informuan sot nga MPB-ja, janë kontrolluar 249 automjete të cilët kryejnë transport publik të fëmijëve drejt shkollave në 102 lokacione. Janë konstatuar tetë vepra penale nga neni 284-a për kryerjen e transportit publik pa dokumentacion përkatës dhe 48 vepra, nga të cilat 29 nga Ligji për sigurinë në komunikacionin rrugor, 16 nga ligji për automjete, tre nga Ligji për mbrojtje të popullsisë nga sëmundjet infektive dhe të ngjashme.
Në stacionin për kontroll teknik janë dërguar 41 automjete, ndërsa 11 vetura që kryejnë transport publik janë përjashtuar nga qarkullimi për shkak të mosfunksionimit teknik dhe mospërputhjeve të tjera të konstatuara.
Pas dokumentimit të rasteve, kundër të gjithë personave përgjegjës që kanë kryer ndonjë kundërvajtje apo vepër penale, do të bëhet një kundërvajtje apo kallëzim përkatës penal.
