Shkup, 16 Korrik – Konferenca e dëshpëruar për shtyp e Mickoskit i cili zgjodhi të qëndrojë në të kaluarën, është reagimi i LSDM-së ndaj pres konferencës së kreut të opozitës maqedonase.
“Kuvendi sot konfirmoi se e ardhmja maqedonase është evropiane, e ardhme me gjuhë të mbrojtur maqedonase, identitet maqedonas dhe veçanti historike. Sot, pavarësisht nga destruktiviteti i VMRO-DPMNE-së, fitues janë qytetarët sepse e ardhmja evropiane është e siguruar. Këtë e ka të qartë Hristijan Mickoski dhe konferenca e tij e dëshpëruar për shtyp sot është dëshmi e kësaj. Skenarët e tij të zinj dhe tentativat për destabilizimin që bëri me Dimitar Apasiev dhe Arben Taravarin dështuan, qytetarët nuk iu nënshtruan provokimeve dhe ndërtimeve të tyre. Nuk ka patriotizëm më të madh se të përkrahësh prosperitetin e vendit dhe vendimet që janë me interesin më të lartë për shtetin dhe qytetarët. Mickoski përsëri zgjodhi të qëndrojë në të kaluarën, i izoluar dhe i vetëm me partnerin e tij prorus Levicën.”, thonë nga LSDM.
