Shkup, 3 tetor – Dje në vendin tonë janë regjistruar 468 raste të reja me Covid, me çka numri i përgjithshëm i të infektuarve deri më sot arrinë 192288. Janë shëruar 284 persona ndërsa kanë vdekur 11. Deri tani që nga fillimi i pandemisë kanë ndërruar jetë 6694 persona nga covid 19, informon Zhurnal.
Në të njëjtën kohë bie dhe interesi për vaksinim, kështu që brenda një dite, numri i të vaksinuarve nuk mund të arrinte as 1000. Ndërkohë masat kundër covid nuk po respektohen fare, veçanërisht në mbledhjet partiake.
Numri i të infektuarve dalë nga dalë po bie por numri i të vdekurve vazhdimisht është dy shifror. Lloji Delta i virusit më së shumti i prekë të rinjtë, ndërsa ata janë mosha më e pavaksinuar në vend. Vetëm 32% e të rinjve 19-39 vjeç janë të vaksinuar së paku me një dozë.
Numri i përgjithshëm i të infektuarve deri më sot shënon 192288 i të shëruarve 173332, i të vdekurve 6694 ndërsa rastet aktive 12262.
