Milani sot do të përballet në San Siro me Romën. Por trajneri Stefano Pioli gjendet në një situatë të palakmueshme.
Përpos Kessie, Bennacer e Ballo Toure të cilët gjenden në kupën e Afrikës, Milani do të duhet të bëjë edhe pa disa lojtarë tjerë të cilët kanë rezultuar pozitiv kundër Covid, informon Zhurnal.
Siç mësohet nga Gianluca Di Marzio, Pioli dje ka provuar në mbrojtje katërshen Florenzi, Kalulu, Gabbia dhe Theo Hernandez. Që do të thotë se si duket janë infektuar Calabria, Tomori e Romagnoli.
Në mesfushë, mund të fillojnë Tonali dhe Kruniç, ndërsa më të avansuar Messias, Diaz dhe Saelemakers. Giroud pritet të jetë qendërsulmuesi i vetëm me Ibrahimoviçin në stol.
Milani vetëm ka komunikuar se 3 lojtarë përpos Tatarusanut kanë rezultuar pozitiv me korona virus por emrat nuk i ka publikuar. Por si duket Calabria, Tomori e Romagnoli janë lojtarët të cilët duhet të qëndrojnë në izolim së paku një javë.//Zhurnal.mk
