Shkup, 23 janar – Moti sot do të jetë me diell me vranësira të vogla deri në mesatare, shumë ftohtë dhe me erë. Do të fryejë erë mesatare deri në të përforcuar nga drejtimi veriperëndimor. Kah fundi i ditës veçanërisht në verilindje vranësira do të rritet dhe do të ketë borë të dobët lokale. Temperatura minimale do të jetë në interval prej -13 deri në -3 gradë Celsius, ndërsa temperatura maksimale do të arrijë prej -4 deri në 3 gradë Celsius.
Në Shkup moti do të jetë me vranësira mesatare, shumë ftohtë dhe me erë. Do të fryejë erë mesatare deri në të përforcuar veriperëndimore. Temperatura minimale do të bie deri në -8 gradë Celsius, ndërsa ajo maksimale do të arrijë 2 gradë Celsius.
Në ditët në vijim moti do të jetë shumë ftohtë dhe me erë mesatare deri në të përforcuar veriperëndimore. Temperaturat e mëngjesit në disa vende do të bien rreth -10 gradë Celsius, ndërsa temperaturat e ditës do të jenë rreth dhe nën zero. Për shkak të temperaturave të ulëta pritet paraqitje e ngricës. Përkohësisht do të ketë rritje të vranësirave dhe borë, nesër në veri, ndërsa të hënën në pjesët malore perëndimore.
