Shkup, 8 prill – Gjykatësi i procedurës paraprake i Gjykatës Penale – Shkup, i dha urdhër stacionit policor kompetent për shoqërimin e Muhamet Zeqirit, i cili sot publikoi se jep dorëheqje të parevokueshme nga pozita sekretar i përgjithshëm i Qeverisë së Republikës së Maqedonisë së Veriut.
“Pas marrje së propozimit, në afatin e paraparë ligjor gjykatësi i procedurës paraprake, në pajtim me dispozitat i LPP i dha urdhër SP kompetent për shoqërimin e të dyshuarit edhe atë në adresën e dhënë në propozim. Pasi i dyshuari të nxirret para gjykatësit dhe të prononcohet lidhur me propozimin e Prokurorit publik do të përgatitet vendim për të cilin palët dhe opinioni do të njoftohen me kohë”, thonë nga Gjykata Penale – Shkup.
Prokuroria Publike Themelore për organizimin e krimit dhe korrupsionit, deri tek gjykatësi i procedurës paraprake në kuadër të Gjykatës Themelore Penale Shkup dorëzoi propozim për përcaktimin e masës së paraburgimit kundër Muhamet Zeqirit për shkak të ekzistimit të dyshimit për vepër të kryer penale – Keqpërdorimi i pozitës zyrtare dhe autorizimit./Zhurnal.mk
