Shkup, 11 prill – Kryetarja e Qytetit të Shkupit Danela Arsovska, sot u takua përfaqësuesit e Lëvizjes kundër Handikapit “Polio Plus”, në kuadër të të cilit u nënshkrua marrëveshja për mbështetjen për realizimin e projektit “Politika dhe njohuritë gjithëpërfshirëse” për përmirësimin e kushteve të jetesës dhe funksionimit të personave me aftësi të kufizuara në qytetin e Shkupit.
Siç informojnë nga Qyteti i Shkupit, projekti realizohet në përputhje me Programin për aktivitete në fushën e kujdesit social, të fëmijëve dhe shëndetësor, në qytetin e Shkupit, për vitin 2022, dhe ka për qëllim të kontribuojë në përfshirjen më të madhe të personave me handikap.
“Përmirësimi i kushteve të jetesës dhe përfshirja më e madhe e personave me handikap është një nga prioritetet e Qytetit të Shkupit. Qëllimi është që këtyre personave t’u sigurohet qasje e plotë në të gjitha objektet dhe rregullimi i infrastrukturës për funksionimin më të lehtë të tyre në komunikacion”, tha kryetarja Arsovska.
Në takim u dakorduan iniciativat dhe aktivitetet që po ndërmerr Qyteti, me qëllim tejkalimin e sfidave të personave me handikap, por edhe krijimi i politikave më të mira lokale për qasjen infrastrukturore dhe përfshirjen më të madhe të personave me handikap. /Zhurnal.mk
