Më shumë se 1,000 ushtarë rusë kanë vdekur gjatë operacionit ushtarak në Ukrainë, njoftoi Moska të premten, duke shtuar se 93% e territorit të provincës Luhansk është “çliruar” nga e ashtuquajtura Republika Popullore e Luhanskut (LNR), ndërsa e ashtuquajtura Republika Popullore e Donetskut (DNR) ka marrë kontrollin mbi 54% në provincën Donetsk.
Agjencitë ruse të lajmeve cituan ministrinë e mbrojtjes të thoshte se rreth 1,351 ushtarë janë vrarë që nga fundi i shkurtit, shkruan Daily Sabah.
“Për fat të keq, gjatë operacionit special ushtarak ka humbje në mesin e shokëve tanë. Deri më sot, 1,351 ushtarakë kanë vdekur dhe 3,825 janë plagosur”, thuhet në një deklaratë.
