Një person sërish ka deklaruar se ka vendosur një mjet shpërthyes në Stacionin e Autobusëve në Prishtinë.
Lajmin për Klankosova.tv e ka konfirmuar zëdhënësja për rajonin e Prishtinës, Flora Ahmeti, e cila tha se policia ka ndërmarrë të gjitha masat e sigurisë në atë zonë.
“Rreth orës 12:30, kemi pranuar një telefonatë anonime, përmes së cilës një person ka deklaruar se ka vendosur mjete shpërthyese në Stacionin e Autobusëve, në Prishtinë. Menjëherë policia ka ndërrmarë të gjitha masat e sigurisë në atë zonë. Në një perimetër të caktuar ka evakuuar qytetarët”, u shpreh ajo.
Tutje, Ahmeti bëri të ditur se tashmë janë angazhuar njësitet përkatëse për trajtimin e informatës.
Kujtojmë se një paralajmërim i tillë u bë edhe dy ditë parë, si dhe një tjetër me 23 dhjetor.
