Mbi 100 vende do të marrin pjesë në Samitin dyditor virtual të demokracisë, që sot e organizon presidenti amerikan, Xho Bajden.
Rusia dhe Kina nuk janë ftuar në samit.
Prej gjashtë vendeve të Ballkanit Perëndimor në takimin virtual nuk është ftuar vetëm Bosnjë e Hercegovina. Në mesin e pjesëmarrësve ka edhe përfaqësues të SHBA-së, Sllovakisë, Molldavisë, Ganës, Zelandës së Re, Suedisë, Lituanisë dhe Letonisë. Është paraparë pjesëmarrje e lideres së opozitës bjelloruse, Svetllana Tihanovska.
Siç paralajmëroi paraprakisht Departamenti amerikan i shtetit, pjesëmarrësit në samit, duke i përfshirë edhe përfaqësuesit e shoqërisë qytetare dhe sektorin privat, do të punojnë në agjendën për ripërtëritjen e demokracisë në botë dhe do të bisedojnë për mënyra e përballjes me kanosjet më të mëdha për demokracinë.
