Strumicë, 23 pill – Gjithsej 1.547 persona të sëmurë dhe të pafuqishëm sot votojnë në raundin e parë të zgjedhjeve presidenciale në dhjetë komuna në rajonin planor juglindor – Strumicë, Radovish, Vasilevë, Bosilovë, Novosellë, Konçe, Bogdanc, Gjevgjeli, Dojran dhe Vallandovë. Votimi po zhvillohet pa problem dhe sipas Komisioneve Komunale Zgjedhore pritet të përfundojë në orët e pasditës.
Më shumë persona të sëmurë dhe të pafuqishëm janë paraqitur në Komunën e Strumicës – 356, ndërsa sëbashku me ta votojnë edhe të burgosurit nga burgu i Strumicës. Mëngjesin e sotëm nga ora 07:30 ka filluar marrja e materialit zgjedhor dhe procesi po rrjedh pa probleme.
Kryetarët e Komisioneve Komunale Zgjedhore nga komunat e tjera, gjithashtu, njoftojnë se votimi po zhvillohet normalisht dhe pa probleme.
Në Komunën Novosellë janë paraqitur 299 persona të sëmurë dhe të pafuqishëm, Bosillovë- 172, Gjevgjeli- 175, Vallandovë- 78, Vasilevë- 186, Radovish- 123, Konçe- 48, Dojran- 44, Bogdanc- 66 votues.
Në listën zgjedhore në dhjetë komuna gjithesj janë paraqitur 147.167 qytetarë me të drejtë vote, të cilët do të votojnë në 273 vend votime.
