Xhevdet Shabani karrierën e tij do ta vazhdojë te FC Malisheva.
Klubi ka njoftuar për nënshkrimin me ‘Rrapën’, i cili vjen pas gjysmë sezonit të kaluar te Prishtina, shkruan Gazeta Olle.
Paryshim se përvoja e madhe e tij pritet të jetë ndihmesë për synimet e Malishevës.
Njoftimi i plotë nga FC Malisheva:
Transfer i ri
Xhevdet Shabani është një nga përforcimet e radhës në klub deri më tani. Shabani la FC Prishtinën për t’u bërë pjesë e klubit tonë për pjesën e mbetur të këtij edicioni garash. Në Superligën e Kosovës, për disa vite radhazi, Shabani ka qenë një ndër futbollistët më të spikatur të kampionatit, dhe ardhja e tij në FC Malisheva do të jetë një përvojë e veçantë për klubin tonë.
Karrierën si futbollist Shabani e filloi me Lepencin e Ferizajin për të kaluar te FC Drita e më pas duke lënë kampionatin Kosovar ku u transferua te Teuta e Durrësit për sezonin 2014-2015. Pas një sezoni të mirë në Kampionatin shqiptar, Shabani nënshkroi me Feronikelin, top klubin e atëhershëm të Superligës. Luajti edhe për Besën dhe së fundmi ishte pjesë e FC Prishtinës.
Një përvojë impresive si në kampionatin kosovar e atë shqipëtar e po ashtu edhe në garat evropiane.
Superliga e Kosovës
Kategoria Superiore
Champions League
UECL Qualifiers
Superkupa e Kosovës
Të lumtur që Shabani është tashmë pjesë e klubit tonë, ne i dëshirojmë mirëseardhje dhe i urojmë fat të mirë dhe suksese, si me klubin po ashtu edhe në sferën personale.
/Gazeta Olle/
